كيكة الشكولاته

كيكة الشكولاته

المكونات والطريقة

 كيك الشيكولاتة 

2 كوب دقيق منخول ونص كوب كاكاو عادى وكيس بيكينج بودر

رشة ملح صغيرة وكوب سكر

1 كوب زيت

3 بيضات كل مرة واحدة

1 كوب لبن او 2 كوب زبادى

وكيس فانيليا

الطريقة

 ولعى الفرن على180

حضرى الخلاط وهتحطى فيه كوب سكر وفوقه 1 كوب زيت ونضربهم لحد ما تبيض

هتنزلى عليهم ب 3 بيضات

بعدين هتحطى 1 كوب لبن او 2 كوب زبادى وكيس فانيليا

وهتنزليهم فى طبق العجن وتبدأ تحطى الدقيق و الكاكاو والبيكنج بودر وتخلطيهم

هاتى صنيتك و تدهينيها زبدة او زيت و ترشيها دقيق عشان ما يلزقش وتصبى العجين  وتدخليها الفرن 

 تقريبا بعد 35 دقيقة لو عاوزه تحطى عليها صوص حطى حوالى نص كوب لبن نص كوب سكر نص كوب زيت 3 ملاعق كاكاو حطى كل المكونات ماعدا الزيت واخلطيهم فى الخلاط وافتحى الفتحة اللى فوق فى الغطا ونزلى عليها الزيت بتدريج لحد ماتتخن وبعدين حطيها على الكيكة بتكون عامله زى الشاتوه.
وتحطيه بعد الكيك ماتبرد وقدميها 

 والشفا وبالهنا