كيكة التمر مع صوص التمر

كيكة التمر مع صوص التمر

المكونات والطريقة

مقادير الصوص 

قطعة زبده

نصف كوب سكر

كوب كبير بلح منزوع النوي

ملعقة قرفة

ملعقة كاكاو حسب الرغبه

قليل من اللبن

 طريقة التحضير

الأول نقوم بتحضير الصوص 

 نضع البلح مع الزبده السكر على النار و نقلب كويس حتى الزوبان

  نقلب كويس نحط شوية لبن عشان بس الصوص يكون طرى شويه

عليهم معلقة قرفة و انا بضيف معلقة كاكاو كمان بتبقى حلوة  

نقلب كويس جدا .. و بعدين نهدى النار ونتركهم خمس دقايق

 عليها ونرفعها بعدين من النار وكده خلصنا الصوص ونبدا نجهز الكيك

نشغل الفرن عشان يكون سخن   

مقادير الكيكة

 بيضات 4+فانيليا

كوباية و نص دقيق

3/4 كوب سكر

ملعقة قرفة

3/4 كوب زبده

ملعقة كبيرة بيكنج باودر

نصف كوب لبن على حسب الاحتياج

طريقه الكيك

 نضرب الزبده مع السكر الأول لحد مايكون  شكله كريمي 

بعدين نضيف البيض و الفانيليا و نضرب كتير حوالي 5 دقايق ...و

 بعدين نضيف الدقيق و البيكنج باودر ونخلطهم بهدو

  معلقة قرفة ومعلقه كاكاو مع الدقيق حسب الرغبه 

لو كان الخليط تقيل ضيفي اللبن حسب مالخليط يحتاج 

 وبعدين روصى البلح فى قاع الصنيه بعد ماتدهنيها بزبده وترشيها  

 حبه دقيق ونصب الخليط على البلح اللى مرصوص فالصنيه

نحطها في الفرن حوالي من 20 الى 30 دقيقه على نار متوسطة  

تستوى و نطلعها

نسيبها تبرد شوية وبعدين نضيف الصوص و نقطعها .

وبالهنا والشفا

رز بلبن بصوص الفرواله

 رز بلبن بصوص الفرواله

المكونات والطريقة

نصف كيلو لبن عليه حوالى لتر ميه كوبين رز مغسول غسله واحده

علشان النشا و نستفيد من النشا اللى موجود فالرز

حطى الرز على الميه وتسبيه على النار لحد ما يغلى

 وبعدين تهدى عليه تضيفى اللبن وتسبيه مع التقليب كل شويه 

لحد ماتلقيه تقل وبعد كده تحطى السكر حسب الرغبه

  وبعدين تسبيه شويه علشان السكر بيخليه سائل ارفعيه عن النار

  وبعدين حطيه فى الاطباق وممكن نحط السكر على الوجه 

وسبيه لحد مايبرد وبعدين حطيه فى الثلاجه 

وممكن ترشى عليها سودانى والمكسرات الموجوده عندك

 وممكن تقدميه ساده وممكن تحطى عليه بقا صوص الفرواله

 

الطريقه 

باكو جيلى فروله ونص كوب ميه ربع كوب سكر وتغليهم على النار

 لحد ما يطلع صوص اتركيه يبرد وحطى منه على الرز ويمكنك

حفظ الباقى فى زجاجه فالتلاجه تستخدميه مره اخرى

وبالهنا والشفا

 

الشوفان بالتفاح

الشوفان بالتفاح

المكونات والطريقه

كوب 2شوفان*1وكوب تفاح مكعبات*2كوب زبادى اولبن حسب 

الرغبه *ربع كوب مربى 

معلقة صغيرة قرفة*مربى(الطعم المفضل للاطفالك)* عين جمل 

 مفروم خشن او مجروش

نخلط كل المكونات مع بعض ونضعها فى علب صغيره او كبايات 

ندخلها التلاجة لمده يوم وتستخدميها فطار مغذى ولذيذ 

وجبه سهله ومفيدة والأولاد هايحبوها

وبالهنا والشفا 

سمك سنجاري مشوي

سمك سنجاري مشوي 

المكونات والطريقه

 سمك ماكريل متنضف كويس يتنقع في ميه و ملح و خل ساعه  عشان الزفاره..بعدها نتبله بتوم و ملح و كمون و بهارات سمك وتوم باودر او طازة و لمون نسيبه ساعتين على الاقل

نجيب صنييه و نحط فيها السمك علي وشه يبقي ضهره لفوق و نولع الشوايه و نسيبه لحد مالضهر يبقي لونه دهبي و نقلبه الناحيه التانيه يكمل سوا ونجيب ميه و عليها نفس التتبيله نحط منها علي السمك

وفي طاسه مش بتلزق نحط رشه زيت و نشوح البصل و بعديه  و الجزر المبشور و الطماطم والفلفل و قبل اخر سوا السمك نحط الخلطه علي السمك ونسيبه يكمل سوا فالفرن

وبالهنا والشفا

طريقه عمل الرنجه

طريقه عمل الرنجه

المكونات والطريقة

 نقطع بصلة متوسطة و2طماطم و2فلفل الوان

 نحضر ورق الالومنيوم و نرص البصل بعد تقطيعه حلقات يقطع الخضار حلقات وتوضع طبقات والرنجة في الوسط ونلفه كويس الفويل وتوضع في صنيه وتوضع عالنار مباشرة خمس دقائق علي علي جنب ونقلب الفويل خمس دقائق عالجنب الاخر ويمكنك فتح الفويل ووضعها فالفرن 5 دقايق

طعم الخضار بيكون جميل و بيمتص الملح من الرنجة 

وكمان ممكن ناكل معاه بطل وسلطه خضره

 ملاحظه الرنجه تفتح من الوسط وليست من الجنب يعني من سلسلة الشوك ويتم نزع السلسلة بسهولة

وبالهنا والشفا

عسل القرفة

عسل القرفة

المكونات والطريقه

نعمل عسل القرفة او صوص القرفة 

كباية سكر* نص كباية عسل * نصفكوب ميّه وعليهم معلقة 

ملعقه قرفة مطحونة

 نضعهم على النار. نقلب ونسيبهم يغلو  3الى 5دقايق.. بعدها

 نشيله من عالنار ونقلب معاهم 

نص كباية كريمة ونسيبها تبرد وتتقل..

الصوص ده ممكن يوضع فى التلاجة ونستعمله مع الحلويات مثل 

البسكوت او او الأيس كريم.او الكيك 

 

وبالهنا والشفا

بسكوت البيكينج صودا

بسكوت البيكينج صودا 

المكونات واسهل طريقة

6 او5بيضات حسب الحجم *3كوب سكر*3كوب سمن او زبدة سائلة*معلقةكبيره بيكينج باودر*نص كيلو جوز الهند*معلقة كبيره هيل مطحون *ملعقة كبيرة بيكينج صودا

الطريقة

نحلط البيض والسكر كويس ونضيف الزبده وباقى المكونات ونخلطهم ويوضع الطحين لحد تتكون عندنا عجينةمتماسكه وبتتشكل بقطاعات البسكوت وتوضع بالفرن لحد مايستوي

وبالهنا والشفا

مكرونة باللحمة المفرومة طاجن

 مكرونة باللحمة المفرومة طاجن 

المكونات والطريقة

 مكرونه قلم مسلوقه*لحمه مفرومه*بصل وفص ثوم*جزر-صلصه طماطم
جبنه موتزرلا*بهارات وفلفل اسود وملح*جوزة الطيب

نعصج اللحمه مع البصل والتوم عليها البهارات والملح والفلفل وبشر جوز الطيب 

 حسب الرغبه نزود فلفل حار ونفرمهم في المفرمة وبعدين نجيب طاجن او صانيه نحط الاول شويه زيت مش كتير نحط شوية مكرونة ونحط شويه جبنه وبخلط المكرونه الباقيه مع اللحمه ونحط الصلصه ع الوش والجبنه ف الاخر .وندخلها الفرن لحد ماتحمر

وبالهنا والشفا

muffins

muffins

المكونات والطريقة

بالسبانخ والخرشوف  

* كلها فيتامينات واطفالك هايحبوها*

المقادير

كوب دقيق*معلقة بيكينج باودر*كوب لبن *بيضة*كوب

 سبانخ*كوب خرشوف*كوب جبنةمبشوره موتزاريلا او شيدر 

* رشه توم بودرة وبصل بودر*رشه كمون وملح *مسترده حسب 

الرغبه

نشغل الفرن على حرارة 180 نخلط المكونات كلها مع بعض لحد

 ماتتماسك نحط الخليط في صينية المافن وتكون مرشوشة زيت.. 

وندخلها الفرن لمدة نص ساعة 

وبالهنا والشفا

فطائر الهوت دوج

فطائر الهوت دوج

المكونات والطريقة

(المقادير)

 3 أكواب دقيق*ملعقهكبيره خميره*ملعقه كبيره لبن بورده*ملح وسكر *كوب ماء*3ملعقه سمنه*3ملعقه زيت *سمسم او حبه البركه الوش 

الحشو
 5 حبات هوت دوج*2 بصله كبيره *2 حبات فلفل*حبه طماطم كبيره.

نضع الخميرة والسكر في الماء الدافئ وتترك لمدة 10 دقائق. 

يخلط الدقيق والملح اناء للعجن

يضاف سمنه وخليط الخميرة مع العجن لحوالي خمس دقائق حتى نحصل على عجين متماسك ناعم. 

يكور العجين ويوضع في وعاء مدهون بقليل من الزيت، يغطى ويترك في مكان دافئ لمدة ساعه الا ربع حتى يختمر ويتضاعف حجمه. 

-يجهز الحشو بوضع الهوت في مقلاة على نار متوسطة ويحمر 

يضاف البصل والفلفل وطماطم، ويقلب لمدة 5 دقائق،يتبل الخليط بالملح والفلفل ثم يترك ليبرد 

يقسم العجين لقطع متساوية،ويفرد كل جزء على سطح مرشوش بقليل من الدقيق على هيئة مستطيل. 

توضع كمية مناسبة من حشو الهوت على أحد طرفي الخبز ثم يلف الخبز على شكل أسطوانة وتقفل الجوانب أثناء اللف، ويكررمع الباقي 

يرص الفطائر في صاج فرن *يكون الجزء المُغلق إلى أسفل*ويدهن بالماء ثم يُرش بقليل من السمسم 

يغطى ويترك في مكان دافئ لمدة نصف ساعة ليختمر مرة أخرى. 

يخبز في الفرن لمدة نصف ساعة أواكتر حسب حجمه، ثم يترك 

 ليبرد قليلاً قبل تقطيعه 

بالهنا والشفا

طريقه عمل الحلاوه الفوليه

***الفوليه***

المكونات والطريقة

**  كوب سوداني مقشر**

** فانيليا**

**ربع كوب سكر**

**ربع كوب ماء**

**ربع كوب عسل جلوكوز**

**الطريقه**

هاتى حله على نار هاديه ونحط فيها المايه مع الجلوكوز مع السكر مع الفانيليا لحد مايكرمل معاكى بدون ماتاخد لون 

يعنى لمده 5الى7 دقائق بظبط وبعدها بنضيف السودانى مع التقليب 

ونرفع من على النار وبعدين نبتدى نفرد 

السودانيه على كيس و تفرديها بالنشابه السمك اللى انتى تفضليه وتسيبيها لمده ربع ساعه وبعد 

كده تقطيعها بالشكل الجميل

الهنا والشفا 
**اعمليها**

طريقة بسكوت مملح

**بسكوت مملح**

المكونات والطريقة

**3كوب دقيق**

**نص كوب زيت**

**4معلقة سمنة**

**2معلقة لبن بودرة**

**معلقة بيكنج بودر**

**معلقة ملح**

**ماء للعجن**

 **بيضة 1للعجين1 وبيضه للوش البسكوت **

\\الطريقة//

 فالخلاط هنخلط كل السوايل الزيت والمية والسمنة واللبن البودرة والملح والبيضة

ونضرب لحد اللون مايفتح

وبعد هنضيف الدقيق مع البيكنج بودر عليهم ونعجنه بادينا لحد ماتتكون عجينة مش 

بتلزق ممكن نضيف كمون فى العجينه او نروشه على الوش

وبعد كدا هنسيبه يريح فى التلاجة لمدة نص ساعة كل ما يرتاح كل 

ما هيكون مقرمش ولذيذ

ونفرد العجينة على ورق زبده وفوقيها كيس ونفردها بارتفاع نص سم

ونقطعها حسب الرغبة ونرصها على الصينية ونخرمها بالشوكة 

عشان متنفش وبعد كده نضرب بيضه مع رشة لبن وندهن الوش بيها 

وممكن نروش ملح خشن او كمون مش مطحون  على الوش

وبالهنا والشفا
**اعمليها**

الفطير المشلتت المصرى

الفطير المشلتت المصرى

المكونات والطريقة

عمل الفطير المشلتت 

كيلو دقيق للحلويان نوع كويس ماء للعجن رشة ملح رشة سكر وتعجنيه كويس لحد ما تكون العجينه متماسكا فى ايدك  يعنى تكون مبتلزقش وبعد كده تقسميها لحوالى  10 قطع على حسب الحجم اللى عاوزه وبعد كده تحطى عليها زيت وتسبيها حوالى نص ساعه ترتاح وبعد كده تبدائى تفرديها على الرخامه بالزيت بس بايدك مش بالنشابه تفردي كويس لحد ما تلقيها رقيقه معاكى وبعد كده تدهنيها سمنه تكونى مسايحها وتطبقيها وبعدين تحطيها على جنب وبعد كده تاخدى التانيه تعمليها نفس الطريقه بس قبل ما تطبقيها حطى اللى عاملتيها جواها وطبقى العجينه عليها ونفس الطريقة فى الثالثه والرابعه بس لازم تدهنى كل واحده بالسمنه وتسبيها فى صنيه وداخليها الثلاجه لمده نص ساعه وبعدين طلعيها وافرديها بايدك وبعدين حطيها فى الثلاجه تانى نص ساعه وطلعيها وممكن الفريزر 15 دقيقه اسهل وبعد كده تقطعى زبده جامده حطيها على الوش او قشطه تحطيها على وش الفطير والفرن يكون سخن جدا وداخليها فيه اول ربع ساعه وبعدين هدى عليها و  لو ما اتحمرتش من فوق ممكن تفتحى عليها الشوايه وحمرى وشها

وبالهنا والشفا

طريقة تجفيف الثوم البودر فى البيت

 طريقة تجفيف الثوم البودر فى البيت

*سهوله* تجفيف الثوم البودر  توفير* ضمان *  

 الطريقة

 حوالى 5 راس توم  هتقشريه

وتقطعيه (ترنش دواير يعنى بالعرض) ورشة ملح مش كتير علشان 

الملح ينزل الميه اللى فيه 

وهى كميه قليله هتجيبى صينية كبيرة او صاج توزعيه الوحده جنب 

التانيه  مش كميات على بعض

  الفرن شغال وحامى حطيه على طول 

وهدى نار الفرن عليه وعلى طول حطيته وكل شوية اقلبه لحد ما 

تحسى انه اتحمص وبقا ناشف كده 

   

طلعيه وسبيه يبرد خالص وبعدين اطحنيه فالخلاط بالمطحنه 

واستخدميه فاكلك 

وبالهنا والشفا

عصير كنتالوب

عصير كنتالوب

المكونات والطريقة

المكونات

2الى3 كوب لبن حليب

1 كنتالوب مقشره ومقطعه مكعبات

حطى كمان كام ورقه نعناع فريش 

 سكر او عسل نحل حسب الرغبه

زره فانيليا

الطريقه

فى الخلاط هنضرب كل المكونات  مع بعضها كويس جدا لحد ماتتجانس معاكى ونقدمها 

بالهنا والشفا

فطاير عش النحل بالسكر والعسل

فطاير عش النحل بالسكر والعسل

المكونات والطريقة

3 الى 4كوب دقيق

1 معلقه صغيره ملح

1 معلقه بيكنج بودر

2 معلقه خميره فوريه

2 معلقه كبيره سكر

( سمسم حسب الرغبه )ربع كوب زيت

من كوب ونص الى2 كوب لبن دافئ +ماءدفى

الطريقه

هعجن العجينه هحط الدقيق فى طبق للعجن وبعدين هضيف الخميره والسكر والبيكنج بودر والملح والزيت واقلبهم كويس  وبعدين اضيف اللبن والمايه لحد العجينه متتجانس معايا وتكون لينه بعد كده هترك العجينه لمده نص ساعه عشان ترتاح وتخمر وبعد كده هقسم العجينه بعد كده قسمى العجينه قطع صغيره 60 جرام للقطعه تلفيها كويس بايديكى وترصيها فى صينيه جنب بعضها وتسيبى مساحه لانها هتخمر معاكى هتسيبيها تريح تانى حوالى نص ساعه تدهنيها اصفر بيض مع معلقتين لبن مع شويه سكر ناعم مع فانيليا هتدهنيها بفرشاه او بخاخه وترشى حبه سمسم على الوجه وتدخليها الفرن اول ماتستوى معاكى هتطلعيها وتكونى مجهزه 

كوب سكر مع كوب الاربع مايه ع النار مع معلقتين عسل نحل او عسل جلوكوز وكمان معلقه صغيره ماء ورد لو مش عندك حطى فانيلياوتسقى بيهم الفطائر 

الهنا والشفا  

سويت تشيلى مع الفراخ

سويت تشيلى مع الفراخ

المكونات والطريقة

طريقتها بسيطه  

هتجيبى صدر فرخه يعنى ربع فراخ بدون جلد وعظم  

تبلتها ملح وفلفل ابيض وبعدين جبت مكعابين زبده شوحت الفراخ

 

 ع النار وشيلتها من الطاسه وركنتها 

 

بعد كده الاهم هنعمل الصوص فى طاسه تانيه معلقه بصل 

 ومعلقه كرفس ومعلقه صغيره ثوم مفرومين كلهم 

 هتشوحيهم فى معلقه كبيره زيت وتكونى مجهزه معلقه شطه 

 وفنجان صغيرالشطه السائله ومعلقه صغيره سكر بنى 

 كمان كاتشبمع فنجان مايه وحطيهم فى الطاسه وضيفى الفراح 

 تكمل تسويه فى الصوص وقدمى معاها جنبها أرز ابيض ساده 

 وبالهنا والشفا