الكسكسى المعمول فى البيت
***المكونات والطريقة***
هاتى كيلو دقيق وتجيبى نص كوب ميه وتحطيه فيه وتفركيه بايد لحد
ما الميه تطول كل الكيلو ولو عاوز تانى تحطى حبة ميه صغيره مش كتير عاوزينه يكون مفرول
وبعد ما تخلصى فرك فيه هاتى الكبه اللى بتطحنى فيها وتحطى الدقيق اللى انتى بسستيه بالميه فى الكبه
وتطحنى الدقيق لغيت ما تخلصى الكميه كلها تحطيها فى حلة الكسكسى او تحطى فى مصفاه وتغطيه بشاشه
وتكونى حطه ميه فى حلة كبيره بتغلى وتحطى المصفا عليها لمده نص ساعه تسبيها
على النار وبعدين تحطى الكسكسى فى طبق واسع وتفرديه وتبرديه شويه وبعدين تطحنيه تانى فى الكبه وتحطيه
فى المصفا وتعمليه تانى لمده ساعه وبعدين تحطيه فى الواسع تانى وتفرديه وتبرديه وتحطيه فى الكبه وديه بتكون اخر
مره وبعدين تحطيه اخر مره فى المصفا لمده ساعه وبعدين تحطيه فى الطبق وتحطى عليه السمنه اللى انتى حابها والكسرات واللبن
وبالهنا والشفا
**اعمليها**
**اعمليها**
ليست هناك تعليقات:
إرسال تعليق