الكنافه بالكريمه والبلح
المكونات
نصف كيلو كنافه
1 معلقه كبيره سكر بودره
1 كوب سمنه
شربات للكنافه بيكون دايما تقيل يعنى 2 كوب سكر مع 1
ربع كيلو بلح عجوه بدون قشر ومقطعينه على نصفين
كوب مايه
2 كوب لبن حليب
2 معلقه كبيره نشا
طريقه الكريمه هنحط كوب ونصف من اللبن على النار يغلى وبعدين ندوب النشا فى نص كوب اللبن اللى فاضل وننزل بيهم على اللبن لحد مايربط معاكى ويديكى كثافه الكريمه المطلوبه
من غير سكر خالص
الطريقه
هنقطع الكنافه قطع صغيره جدا واحط عليها معلقه السكر البورده وانا بقطعها ومعلقه من السمنه والسكر البودره انا بحطه هنا عشان الكنافه تاخد لون دهبى وبعدين فى صينيه مدهونه بسمنه هحط نصف كميه الكنافه واكبسها كويس جدا ممكن تحطى عليها صينيه تانيه وتضغطى عليها بعد كدين هتحطى الكريمه وتوزعيها كويس على الكنافه وبعدين كميه البلح اللى قلنا عليها وبعدين طبقه الكنافه التانيه وهنا تكبسى الكنافه براحه عشان الكريمه مش تخرج من اجناب الصينيه وبعدين نحط السمنه عليها وندخلها الفرن على درجه حراره 150 لمده تلت ساغه وبعدين تخرجيها من الفرن وتصفى السمنه اللى هتفيض فيها وتقلبيها على الوجه التانى وتدخليها لمده من 5 الى 10 دقائق تانى لحد ماتاخد لون وبعدين تخرج من الفرن وتسقيها بالشربات وتقدميها بارده
بالهنا والشفا
ليست هناك تعليقات:
إرسال تعليق