الباتيه السريع
المقادير
كوب4 دقيق وربع يكون منخول كويس فى العجينه
نص كوب زيت
2معلقه كبيره لبن بودره
2علبه زبادى
ملعقه3 كبيره سكر ناعم
صفار بيضه
ربع ملعقه بيكنج بودر
نص ملعقه خميره فوريه
ماء دافى للعجن
زبده سايحه للدهن بين الطبقات
الطريقة
* هنحط المقادير الجافه مع بعضهاونقلبهم * سكر*ملح*بيكنج بودر*لبن بورد ه*خميره
نضيف المقادير السايله
نبتدى نعجنها كويسعشان تكون العجينه لينه معاكى
بعد ماعجنتها وسيبتها تخمر حوالى ساعه ونص
بعد مالعجينه تخمرت معانا نبتدى نقسم العجينه لكور صغيره ترتاح حوالى نص ساعه
وبعدين تقسميها 4كور
هناخد كوره من العجينه ونبتدى نفردها بشكل طول وبعدين ندهها بالذبده
بعد مافردنا اول طبقه ندهن عليها الزبده تانى
وبعدين نفرد الكوره التانيه من العجينه زى الاولى بالظبط ونحطها على بعض
وندهنها برده زبده سايحه
هنا دهنت الطبقه التانيه بالزبده وهكذا لحد كل الطبقاط
عملت 4 طبقات من العجينه بين كل طبقه دهنت زبده سايحه واخر طبقه برضه دهنت
فوقيها زبده سايحه
وبعدين تجيبى الجبنه اللى هتستخدميها للحشو جبنه بيضا حادقه
صفى الميه اللى فيها عشان متبوظش الباتيه
وبعدين دهنت اخر طبقه برضه بالزبده وحطيت الحشو بتاعى
واحنا بنلف الروول منلف كويس بحيث ان نضمن الحشو ميطلعش منه
احنا فردنا ال 4 طبقات بشكل طولى
عشان يبقى طول الطبقات اكبر من عرضها عشان مش عايزينها تبقى مكتومه من جوه
وتبتدى بقا تقطعيه بالحجم اللى تفضليه
عشان الباتيه يبقى دهبى نجيب ربع معلقه بيكنج بودر على معلقه ميه ونخلطهم وبالفرشه
ندهنه بيطلع دهبى
نسيبه بقا على جنب ونولع الفرن 5 دقايق يسخن وبعدين ندخله على درجه حراره 180
واول مايبقى دهبى من تحت نقفل عليه ونشغل الشوايه عشان يحمر من فوق
