الكابوريا بصلصه

الكابوريا بصلصه

المكونات والطريقة

  ممكن تعمليها مع مكرونه اسباجتى  

الطريقه  

 حضرى الكابوريا وتغسليها كويس 

و بعدين نجيب 3 بصلات و نبشرهم او نحط هم فى الكبة

وعلى النار فى حلة نحط الزيت و نبدا نحط بالبصل لحد ما يدبل خالص

و بعدين نجيب صلصلة برطمان يعنى مش طماطم فى الخلاط و نحطها على البصل و عليهم شويه مايه و اهم حاجه

 هى الكرفس بيبقى لى طعم مميز

مع الكابوريا و طبعا بنحط ملح و فلفل اسود بس و نسيبها حوالى 5 دقايق وبعدين نبتدى نحط الكابورية عليهم و مفيش نص ساعة بالكتير هتلاقى الكابوريا استوت و الصلصة اتسبكت نحطها بقى فى طبق  التقديم مع المكرونه

وبالهنا والشفا

طاجن الباميه

 طاجن الباميه

طريقة التحضير

نص كيلو بامية طازجة

نص كيلو لحمة 

بصل

طماطم

فلفل اخضر

ثوم

كزبره ناشفه

الطريقه 

هنضرب الطماطم فى الخلاط و معاها وحده فلفل اخضر ( حسب الطلب ) و حنحمر البصلة فى الطاجن و لما تتحمر و 

لونها يصفر شوية نضيف لها اللحمة تتشوح معاها لما تنزل ميتها شوية نضيف عليها الطماطم و نكون طبعا مجهزين

الباميا و مغسولة حنضيفها على التسبيكةو حنضيف الثوم و اللحمة و حقطع معاها فلفل اخضر و نقلبهم 

كويس و نحط الملح و الفلفل الاسود و نغطيها و نسيبها على نار البوتجاز 

حطيتى الطاجن  على النار  لو هتزودى الاكل مية لازم تكون مية سخنة

مش مية من الحنفية  بعد ما الباميه تستوى نعمل التقليه تقليه زى 

الملوخيه بظبط بجيب 3 فصوص توم عليهم قرن فلفل وادقهم كويس وحط عليهم كزبره ناشفه ورشه فلفل اسود 

واحطهم فى طاسه مع الزبده وبعد ما يتحمره احطهم على وش الباميه واحطها فى الفرن تحمر وشها شويه او تحت الشوايه تاخد لون جميل وقدميها

وبالهنا والشفا

شوربة الجمبرى

شوربة الجمبرى

المكونات والطريقة

شوربة الجمبرى اللذيذه من الشوربات المفضلة عند الجميع

.ممكن تعمليها جنب سمك او اى اكلة من اكلات البحرية 

نص كيلو جمبرى مقشر وربع مشروم ممكن تعمليها بالمشروم وممكن لا  و طماط 2 وفلفل رومى او 

حامى او الاتنين ونص حزمة كرفس و شبت و2 فص توم وبصلة صغيره ..ومعلقة صلصة  
*الطريقة*

تحمرى البصلة بعد ماتقطعيها مكعبات صغيره وبعدين حطى عليها التوم المهروس وتشوحيه شويه وبعدين حطى 

الفلفل والطماطم والصلصة والمشروم لحد ما المشرم يستوا وتحطى عليه الملح والفلفل وشويه زنجبيل وشوية 

كارى رشه صغيره وتحطى الميه وتسبيه يتسبك شويه وبعدين تكونى غسله الجمبرى ومقشره وشيله الخيط الرفيع 

اللى فى ظهره وبعدين حطيه لحد ماتلقيه غير لونه تسبيه لمدة 2 دقيقة وبعدين تقفلى عليه  وتقدميه

وبالهنا والشفا

جلاش باللحم المفروم

جلاش باللحم المفروم

المكونات والطريقة

نص كيلو عجينة الفيلو (عجينة البقلاوة) أي لفة جلاش

ربع كيلو لحم مفروم

١ كوب حليب سائل

٢ بيضة

٢ بصلة، مقطعة مربعات

ملح وفلفل أسود

سمن

١ فلفلة خضراء، مقطعة مربعات

الطريقة  

* في الطاسه نشوح البصل بقليل من السمن ثم نضيف اللحم والبهار ونقلب الخليط لللحصول على العصاج ونتركهم على النار حتى ينضج اللحم

* ندهن صينية للفرن بالسمن ثم نرص نصف كمية الجلاش او رقائق عجينة الفيلو مع دهن كل ورقتين بالسمن.

* نحط عصاج اللحم والبصل في الصينية ونوزعه على أول طبقة من الجلاش.

* نضع على العصاج الفلفل المقطع والجبن المبشور ثم نضع النصف الآخر من الجلاش مع دهن كل ورقتين بالسمن كمان

*ندهن الوجه بالسمن ونقطع الجلاش مربعات او على شكل سمبوسكات

*نخفق البيض ونضيف اليه الحليب ورشة ملح وفلفل لأسود ثم نحطه فى الصينية فوق الجلاش.

* ندخل الصينية الى الفرن حتّى تتحمّر ويصبح وجهها ذهبياًنعيد تقطيعها وتقدم 

 وبالهنا والشفاء

صينية بطاطس بالكفته فالفرن

صينية بطاطس بالكفته

الطريقة وسهله جدا

مقادير الكفتة

 ربع كيلو لحمة مفرومة..

بصلة كبيرة مفرومة ناعم

بيضة

ومعلقة بقسماط كبيرة

وتوابل ملح وفلفل وبهارات لحمة وزعتر اواى بهارات تحبيها

 للصنية

بطاطس كبيرة متقطعة شرايح يفضل تظبطي عدد الشرايح مع الكفتة. وزيهم طماطم وزيهم فلفل اخضر

وهحتاج عصير طماطم حوالي كوب ومعاه معلقة صلصة

نحط اللحمة والبقسماط والبيض والبصل والتوابل ونعجن كويس 

عملت الكفتة اقراص متماسكة ودخلتها التلاجة لحد ما تحضرى البطاطس

طاسة فيها زيت قليت البطاطس قليه عادية جدا

ابدأ اقلي الكفتة نص تحمير هتكمل سواها في الفرن

أبدأ ارص البطاطس والطماطم والفلفل والكفتة واكرر

زودت بصل..ضربت طماطمتين مع معلقة صلصة ونص كوب مية وحطيت عليها ملح وفلفل

نزلت العصير فوق الكفته ودخلتها الفرن

بتقعد في الفرن نص ساعة على درجة 180 وبشغل الشواية تاخد لون

قدمتها مع سلطة  

وبالهنا والشفا

طريقة عمل الفشه

الفشه

طريقه التحضير

طريقة الفشه على الطريقة المصريه * اغسليها كويس وانقعيه فى ميه 

وخل وهى بحالها تسلقيها لحد ما تحسى انها استوت طلعيها من الميه وسبيها لحد ما تبرد وبعدين تقطعيها قطع

صغيره زى ما انتى عاوزه وبعدين فى طاسه حطى زيت وفلفل حامى قطعيه وفصين توم مهروسين وشوحيهم 

وبعدين حطى عليهم الفشه وشوحيها معهم وملح وفلفل وبعدين عصرة لمونه .

وبالهنا والشفا

عصير التوت الأسود

عصير التوت الأسود 

المكونات 

نص كيلو جرام من التوت الأسود

خمسة أكواب من الماء

كوب من عصير ليمون

ثلاثة أكواب من السكر

بشره قشور الليمون

طريقة عمل عصير التوت الأسود 

في حله على النار نضع التوت مع الماء وقشور الليمون المقطع لمدة 15 دقيقة لحد يغلي ويصبح التوت ناعم ثم نرفع من على النار

نصفي الخليط ثم نفرم التوت حتى يخرج منه السائل وتخرج قشور الليمون.

يضاف على السائل المصفي عصير الليمون والسكر ثم يوضع على النار ونقلب بإستمرار حتى يذوب السكر

نرفع الحله من على النار ويترك حتى يبرد

نضع الخليط في وعاء وعند التقديم نضع عصير التوت في الأكواب مع الماء ونقلب البارد

وبالهنا والشفا