طريقة عمل فطيره السبانخ

طريقة عمل فطيره السبانخ

** المكونات والطريقة بالفيديو**

3 كوب دقيق 1 معلقه صغيره ملح نص فنجان زيت زيتون ومعلقه كبيره زبده ومعلقه صغيره خميره فوريه قلبى كلهم مع بعضه وبعدين حطى مايه على العجن  حوالى 1 كوب مايه وبعدين ماتعجنيها اركنيها على جنب 

هاتى طاسه وحطى فيها معلقه كبيره زيت وحطى كيس سبانخ فريزون مع فص ثوم مفروم وقلبى كويس سوتيه وتبلى بملح وفلفل وبشره صغيره جوز الطيب وبعدين ارفعى السبانخ من النار وحطى عليها 4 معلقه كبيره جبنه مبشوره واركنيها على جنب هاتى العجينه وقسميها قطع وافرديها كويس بالنشابه وبقطاعه اشكال  هتبتدى تقطعى العجين وتحطى مقدار من السبانخ وتقفلى تانى وهكذا لحد الكميه ماتخلص معاكى اقفليها بشوكه تضغطى بيها على العجينه بتقفل وادهنيهم ببيض مخفوق مع زعتر بودره وشويه زيت زيتون و على 

 درجه حراره 180 لحد ماتاخد اللون الجميل وقدميه

**بالهنا والشفا**

**اعمليها **

طريقة ليزى كيك

***ليزى كيك***

**المكونات والطريقة**

* زبده  100 جرام

*3 ملعقه كاكاو بودره

* كوب صغير سكر بودره

*علبه قشطه او فنجان كريمه لبانى

*باكو ونصف بسكويت ساده مكسر قطع صغيره

*فستق او بندق حسب الرغبه 

**الطريقه**

نسيح الزبده على النار وبعدين نضيف السكر البودره وبعدين الكاكاو مع التقليب و يعنى خالى النار  هاديه شويه بعدين هتنزلى بالكريمه او القشطه مع التقليب وبعدين قطع البسكويت وترفعى بسرعه من  النار وتجهزى عندك قالب كيك مفرود فيه سلفر مدهون زيت قليل جدا  وتصبى الخليط  كله فيه وتدخليه الفريزر لمده ساعه بعدين تطلعيه وتشيلى ليزى كيك وتقطعيه وتقدميه ممكن تلفيه بالسلفر ويطلع شكله مدور معاكى 

**وبالهنا والشفا **

**اعمليها **

طريقة فطائر محشيه بالفراخ

**طريقة فطائر محشيه بالفراخ**

*** مكونات العجينه***

*نص كيلو دقيق

* معلقه كبيره خميره فوريه

* معلقه كبيره سكر 

نص معلقه كبيره ملح

2 معلقه كبيره زيت

نصف علبه زبادى

 نص كيلو لبن دافى للعجينه مش كله عشان علبه الزبادى 

** الحشو**

ربع كيلو فراخ متقطعه شرائح رفيعه تبليها ملح وفلفل ومعلقه كبيره كارى اعمليها  سوتيه ع النار مع قطعه زبده فى طاسه مع بصله مفرومه وفلفله خضرا مفرومه ومعلقه كزبره خضرا مفرومه كده وسيبيها تبرد  

**الطريقه**

هنعجن الدقيق وعليه الزيت والملح والسكر والخميره ونقلبهم كويس  وبعدين تضيفى الزبادى واللبن وتعجنى كويس  بايديكى او فى العجانه لحد العجينه ماتتجانس معاكى بعدين اركنى العجينه على  لحد ماترتاح وتخمر بعدين  هتقطعى العجينه قطع صغيره وتفرديها دوائر وبعدين تحطى الحشو وتقفليها دوائر وتلفيها على ايديكى او على رخامه المطبخ بدون دقيق وترصى الفطاير دى فى صاج مدهون زيت وتسبيها لمده 10 دقائق كمان وبعدين هاتى صفار بيضتين وتضربيهم بشويه اللبن  من عندك من  باقى العجينه وتحطيهم فى بخاخه المطبخ وترشى الفطائر وكمان ضيفى رشه سمسم او حبه البركه بتعمل اتركيها قبل دخلوها الفرن لمده ربع ساعه على درجه 180 او لحد مالونها يحمر وقدميها  

**وبالهنا والشفا **

مكرونه اسباجتى وكفته داود باشا

مكرونه اسباجتى وكفته داود باشا

المكونات والطريقة

 الكفته الاول 

نص كيلو لحم مفروم

كزبره خضراء مفرومه

2 بصله مفرومه ناعم 

ملح فلفل اسود رشه قرفه صغيره 

زيت**ثوم مفروم

 ملعقة كبيرة صلصه طماط4 كوب عصير طماطم

الطريقة

نحط اللحمه المفرومه و عليها نصف كميه البصل وبتبلها بالملح والفلفل والقرفه

 بعدين بعجنها بايدى كويس 

 تخلطى كل المكونات مع بعض كويس جدااااا بعدين بحطها فى الثلاجه شويه

لمده نص ساعه عشان اللحمه تشد مع التوابل 

بعدين بخرجها من الثلاجه وبشكلها على هيئه كرات مدوره 

 وفى طاسه على النار فيها شويه زيت وتكون سخنه بنزل بكرات الكفته 

وبقلبها حوالى 5 دقايق وبعدين ارفعيها من على النار 

الصوص

و اعملى الصوص بتاع الكفته فى حله على النار بحط شويه الزيت وبعدين باقى البصله المفرومه ثم الثوم وبقلب كويس لحد ما اللون يميل للاصفر وبقلبه كويس واضيف معجون الطماطم ثم عصير الطماطم لحد الغليان وتتسبك معايا الصلصه

 حطى الكفته فى الصوص تكمل سواها وتتجانس مع الصوص لو محتاجه شويه مايه او مرقه

على الصوص زودى شويه وكمان الملح والفلفل بعد متستوى

هضيفى الكزبره المفرومه عليها وتقلبيها 

حطى المكرونه المسلوقه وهتغرفيها زى الصوره وتقدميها

وبالهنا والشفا 

اعمليها هتحبيها

طريقة عمل الشكشوكه

طريقة عمل الشكشوكه 

المكونات والطريقة

الشكشوكه المصريه

البيض بالصلصه سهله وسريعه 

المكونات

6 بيضات

كوب ونص عصير طماطم

نص ربطه بقدونس مفرومه

معلقه صغيره كمون

ملح وفلفل اسود

معلقه صغيره كزبره ناشفه

 بصله صغيره مفرومه

 فلفل رومى مقطع صغير

معلقه صغيره زعتر

معلقه كبيره سمنه او زبده او زيت

الطريقه

 طاسه على النار فيها الماده زيت او سمن حطى البصل المفروم نقلب كويس وقبل ميدبل لونه بنزل عليه 

بعصير الطماطم لحد ما  يتسبك بعدين نحط الفلفل الرومى المتقطع وبقلب كويس وبعدين بكسر 

البيض على الصلصه وبضيف البهارات والزعتر واخر حاجه بضيفها هى البقدونس المفروم تقدميها مع 

جبنه وعيش

وبالهنا والشفا 

**اعمليها**

كوسه بالموذاريلا

كوسه بالموذاريلا

المكونات والطريقة

هاتى كوسه مستورده او بلدى 

وكمان ربع كيلو لحمه مفرومه 

بصله مفرومه ناعم وفص ثوم مفروم 

ملح وفلفل وزعتر بودره وجبنه موذاريلا مبشوره 

الطريقة

هاتى الكوسه وتقسميها نصين بالطول وبعدين تفرغيها بمعلقه صغيره وبعدين  هنحطها فى مايه مغليه مع شويه ملح صغيره  تسلقيها فى المايه حوالى من 3 الى 5 دقايق بعد الغليان وبعد ماترفعيها من المايه حطيها فمايه ساقعه عشان اللون يفضل جميل

تحضرى  طاسه تحطى فيها شويه زيت مع البصل والثوم واللحمه وتعصجيها كويس وتتبلى بالملح والفلفل والزعتر وبعدين ترصى قوارب الكوسه وتحطى العصاج وعلى الوش الجبنه المودذاريلا وتدخليها الفرن على درجه حراره 170 لمده 10الى 15  

دقيقه او لحد ماتاخد لون والجبنه تسيح 

ملاحظه يمكنك عمل الكوسه بالفراخ بدل اللحمه

وبالهنا والشفا
**اعمليها**

تورتة الچيلي الملونة

 تورتة الچيلي الملونه

 شكل تانى

المكونات والطريقة السهله

 هاتي الچيلي بالألوان اللى تفضليها

  ندوب كيس چيلي احمر في كباية مايه سخنة 

ونحطها في قالب كبير وندخله التلاجة نص ساعة  لحد مايجمد 

كويس تاني خطوة ندوب چيلي اصفر فى كوب مايه سخنة ونحطه 

على طبقة الچيلي الأحمر وندخله التلاجة تاني لحد مايجمدوهكذا  

الخطوات  لحد مانخلص طبقات الألوان اللي هنعملها وبعد ماتجمد 

ممكن تزينيها كريمه او مكسرات او تسبيها ساده بالوان 

الجيلى فقط 

وبالهنا والشفا

**اعمليها**

طريقة عمل ديكورشكل ايس كريم

**ديكورشكل ايس كريم**

**المكونات والطريقة**

فكرة جميله اللي عاوزه تعمل ديكورات بنفسها واشغال 

يدويه تجمل بيها بيتها وتهدى منها لاصحابها هنعمل 

كورة من سفنج او بواقي قماش ونغلفها بقماش ساده على شكل 

كورة ونثبتها قرطاس ورق مقوى ونثبت حواليها شريط مكشكش من

 نفس لون القماش زى أيس كريم ويتعلقيها بشريط ستان او خيط 

سنارة شفاف وممكن نعمل نفس الفكره بالورق الملون

الفكرة جميلة تنفع لحفلات حفلات السبوع او 

أعياد الميلاد اعمليها وفرحى اولادك فالعمل معاكى يبقى ديكور من

صنع ايديهم

** قومى اعمليها**

**سهله اعمليها**

فكره لعدم انزلق سوستة البنطلون**

* فكره لعدم انزلق سوستة البنطلون* 

الطريقة

فكرة جميله وسهله اتعلمنها من الأمهات كانوا بيعملوها زمان..

 

عشان نسهل للأولاد الصغيرين استعمال سوستة البنطلون نشبك

 حلقة معدنيه(*زي حلقة ميدالية المفاتيح*)في السوستة عشان 

يعرفو يتحكموا فيها بسهولة وكمان عشان نشبك الحلقة في الزرار 

وماتتفتحش لوحدها لو معملتيهاش جربيها  

يالله اعمليها وقولى لاصحابك عليها

طريقة عمل حمام محشي رز وكبده

حمام محشي رز وكبده

المكونات والطريقة

 نضع بصلة على النار تصفرومعاها الكبد والقوانص 

مع قرفة وجنزبيل ملح وفلفل والتوابل مع الكبد

نعسل الرز ونحطه على الكبدونقلبهم كويس ونحط مياة قليل نسوية نص تسويه

ونغسل الحمام كويس ونتبلة ملح وفلفل ونحشيه الحمام بالرز وتسلق الحمام فى مياه مغليه بالحبهان حسن الرغبه ممكن ملح وفلفل وبصله صغيره وناخد شوربة الحمام وتسوي بيها باقى الرز  ونجيب ملعقة صلصه وشويه ميه وادهنى بيهم الحمام وندخل الحمام في الفرن عشان يتحمر 10دقايق عشان مينشفش منك

ملاحظه ممكن تعملى الحمام بالفريق بنفس الطريقة بس ينقع الفريق نص ساعه قبل التسويه

وبالهنا والشفا
**اعمليها**

طريقة عمل الدولمة العراقية

*** الدولمة العراقية***

**المكونات وطريقة التحضير**

**٣كوب رز**

** كيلو ورق عنب**

**ربع كيلو لحم مفروم**

**كوب مشمش مجفف**

**كوب كرفس مفروم**

**كوب بصل مفروم**

** نصف كوب خضره مفرومه (بقدونس _كزبره خضره _شبت )**

خضروات مشكلة عشان نحشيها من البصل والطماطم والكوسة والفلفل الاخضر البارد والباذنجان 

وبهارات مشكلةو٢ ملعقة كبيرة معجون طماطم

تخلط جميع المكونات مع الرز وتحشى بيها ورق العنب والخضروات وتصف في قدر وتوضع على النار وبعدها يسكب 

عليها ماء وسكر وعصير ليمونة وعصير تمرهند وتترك لمدة ساعة الاربع الى ان تشرب الماء

وبالهنا والشفا
**اعمليها**

طريقه لعمل معطر طبيعى للبيت

معطر طبيعى للبيت

المكونات والطريقه

 كوب ماء مغلى ودوبى فيه معلقه جيلاتينه بودره او

ورقه جيلاتينه جافه ورشه صغيره جداااااا لون صناعى وكمان معلقه ملح و 2 معلقه كبيره بشر ليمون اوبرتقال او ريحه الخوخ مثلا وبعدين صبى الخليط ده فى كوب او برطمان فاضيه وسيبيه لحد مايتماسك وحطيه فى الصاله او الدولاب او اى غرفه وكمان الحمام هتفضل ريحه المكان جميله ومنعشه لمده  اسبوع  وبدون اى مواد كيماويه ممكن تضرك وكمان مكوناتها بسيطه ومجوده فكل بيت 

** يالله اعمليها سهله**

توست بالفراخ والجبنه

توست بالفراخ والجبنه

 فالصنيه

المكونات وطريقة التحضير

 شرائح عيش توست حسب عدد افراد الاسره

 ملعقه كبيره مسطرده

ملعقه كبيره زبده

ملعقه كبيره كاتشب

 معلقه زعتر بودره

1 طماطم مقطعه مكعبات 

1 فلفل رومى مقطع مكعبات

1 كوب جبنه مودزاريلا

 ملعقتين جبنه رومى مبشوره اللى موجود عندك

 صدر فراخ بدون جلد او عظم مسلوق ومقطع قطع مكعبات صغيره

ملح وفلفل اسود حسب الرغبه

 ملاحظه المكونات المكتوبه تكفى 5 شرايح من التوست 

الطريقه

هنجيب الزبده ونحمر فيها شرائح التوست او ندهنها بالذبد ونحطها فالفرن لحد ماتاخد لون دهبى بعد كده هنقلب الكاتشب مع المسطرده وندهن بيهم شرائح التوست وبعد كده هنجهز الفراخ المسلوقه بعد مانقطعها قطع صغيره هنضيف عليها الجبنه  ومكعبات الطماطمالمودزاريلا والجبنه الرومى  والفلفل الرومى والملح والفلفل الزعتر ونقلبهم كويس خالص مع بعض وبعدين هنضيف كميه مناسبه على كل قطعه من شرائح التوست وندخلها الفرن لمده 5 دقايق او لحد ماتاخد لون ونقدمها 

 وبالهنا والشفا 

معلومه لصحتك

معلومه صحيه

المعلومات الصحيه

انتبهى من تسخين العيش على نار البوتاجاز المباشره لان الطريقه  غير صحيه خالص عشان بيصاحب اللهب غاز البوتان وده له تأثيرات مسرطنه وبيقوم العيش بامتصاصها ويسبب امراض السرطان

ان شاءلله دايما تكونوا بخير وسلام 

*******

فوائد الرمان

فوائد الرمان

الرمان يعتبر من أهم الفواكه و ذو الفوائد الصحية المتعدد

هو متوفر الفتره الحاليه باسعار مش غالى

ياترى عارفين فوائد الرمان

 

* بيدوب الشحوم اللى حوالين المعده عارفين *

* مفيد لمرضى الضغط العالى عارفين كمان انه علاج هايل*

 *  كمان بيقلل الحمض الدهنى فى الدم اللى بيسبب امراض *

*بيسبب امراض السمنه * 

وبالهنا

مربى جزر

مربى جزر 

المكونات والطريقة

كيلو جزر قشريه وقطعيه خدى منه 1 جزره ابشريها واركنيها بعيد عن باقى الكميه هنجيب حله واسلقى الجزر المتقطع ده سلق كامل لحد مايستوى كله و صفيه من المايه وتحطيه فالكبه وتضربيه كويس لحد ماينعم معاكى هاتى نص كيلو سكر وحطى الجزر المطحون مع السكر مع الجزره المبشوره على نار هاديه وقلبى كويس خالص كل شويه تقلبى لحد مالقوام يتماسك معاكى هتضيفى عصير 2 ليمونه وبعدين سيبيها تبرد وعبيها فى برطمان ودخليها الثلاجه ويبقى عندك اجمل مربى جزر من صنع ايديكى

بالهنا والشفا

الكبده المشويه

الكبده المشويه

 المكونات وطريقه التحضير

كيلو او نص كيلو حسب عدد الافراد كبده شرائح

التتبيله عباره عن

4 معلقه كبيره مسطرده

4معلقه كبيره خل ابيض

2 معلقه صغيره بابريكا بودره

ملح وفلفل اسود

2 معلقه كبيره كمون

2 معلقه كبيره كزبره ناشفه

2 معلقه صغيره شطه بودره

2 معلقه كبيره ثوم مفروم

4 معلقه كبيره زيت زره

عصير 3 ليمونه كبيره

ملاحظه لو الكميه نصف كيلو يبقى تستخدمى نصف مقدار التوابل

الطريقه

هنقلب كل المكونات التتبيله مع بعضها ونتبل بيها الكبده كويس جدا ونترك الكبده فى التتبيله حوالى ساعه او اكتر على الاقل وبعد كده هنشوى الكبده على الشوايه او لو مش عندك شوايه فى طاسه فيها شويه زيت بسيطه لحد ماتستوى وممكن مع خضار سوتيه بالملح والفلفل او وسلاطه خضرا

بالهنا والشفا 

كيكة التمر مع صوص التمر

كيكة التمر مع صوص التمر

المكونات والطريقة

مقادير الصوص 

قطعة زبده

نصف كوب سكر

كوب كبير بلح منزوع النوي

ملعقة قرفة

ملعقة كاكاو حسب الرغبه

قليل من اللبن

 طريقة التحضير

الأول نقوم بتحضير الصوص 

 نضع البلح مع الزبده السكر على النار و نقلب كويس حتى الزوبان

  نقلب كويس نحط شوية لبن عشان بس الصوص يكون طرى شويه

عليهم معلقة قرفة و انا بضيف معلقة كاكاو كمان بتبقى حلوة  

نقلب كويس جدا .. و بعدين نهدى النار ونتركهم خمس دقايق

 عليها ونرفعها بعدين من النار وكده خلصنا الصوص ونبدا نجهز الكيك

نشغل الفرن عشان يكون سخن   

مقادير الكيكة

 بيضات 4+فانيليا

كوباية و نص دقيق

3/4 كوب سكر

ملعقة قرفة

3/4 كوب زبده

ملعقة كبيرة بيكنج باودر

نصف كوب لبن على حسب الاحتياج

طريقه الكيك

 نضرب الزبده مع السكر الأول لحد مايكون  شكله كريمي 

بعدين نضيف البيض و الفانيليا و نضرب كتير حوالي 5 دقايق ...و

 بعدين نضيف الدقيق و البيكنج باودر ونخلطهم بهدو

  معلقة قرفة ومعلقه كاكاو مع الدقيق حسب الرغبه 

لو كان الخليط تقيل ضيفي اللبن حسب مالخليط يحتاج 

 وبعدين روصى البلح فى قاع الصنيه بعد ماتدهنيها بزبده وترشيها  

 حبه دقيق ونصب الخليط على البلح اللى مرصوص فالصنيه

نحطها في الفرن حوالي من 20 الى 30 دقيقه على نار متوسطة  

تستوى و نطلعها

نسيبها تبرد شوية وبعدين نضيف الصوص و نقطعها .

وبالهنا والشفا